‘దొరసాని’ ఫేమ్‌ ఆనంద్‌ దేవరకొండ (విజయ్‌ దేవరకొండ తమ్ముడు) హీరోగా, వర్ష బొల్లమ్మ హీరోయిన్‌గా తెరకెక్కిన చిత్రం ‘మిడిల్‌ క్లాస్‌ మెలోడీస్‌’. ఈ చిత్రం ద్వారా వినోద్‌ అనంతోజు దర్శకునిగా పరిచయమవుతున్నారు. భవ్య క్రియేష¯ పతాకంపై వెనిగళ్ళ ఆనందప్రసాద్‌ నిర్మించిన ఈ సినిమా విడుదలకు సిద్ధంగా ఉంది. ఈ సందర్భంగా ఆనందప్రసాద్‌ మాట్లాడుతూ– ‘‘గుంటూరు నేపథ్యంలో ఈ చిత్రకథ సాగుతుంది.
గుంటూరు జిల్లా కొలకలూరు ప్రాంతంలో, గుంటూరు నగర పరిసర ప్రాంతాల్లో షూటింగ్‌ జరిపాం. ఇందులోని పాత్రలన్నీ గుంటూరు యాసలోనే మాట్లాడతాయి. లాక్‌డౌన్‌ పరిస్థితుల వల్ల సినిమా రిలీజ్‌ వాయిదా వేశాం’’ అన్నారు. ‘‘మామూలు మనుషుల జీవితాల్లో ఉండే సున్నితమైన హాస్యాన్ని ఈ సినిమాలో చూపించాం. మంచి లవ్‌ స్టోరీ కూడా ఉంది’’ అన్నారు వినోద్‌ అనంతోజు.
0 comments:
కామెంట్‌ను పోస్ట్ చేయండి