కొత్త సినిమాలకు ఒకప్పటి హిట్ సినిమాల పేర్లు పెట్టడం ఇప్పుడు తెలుగు సినిమా ఇండస్ట్రీలో కొత్త ఫ్యాషన్ అయిపోయింది. అయితే పేరు తప్ప పాత సినిమాలకు... కొత్త సినిమాలకు కథతో అసలు సంబంధమే ఉండకపోవడం విశేషం. ఆ మధ్య హీరో నితిన్ ఈ సంప్రదాయం మొదలెట్టాడు. 1978 లో మరో చరిత్ర సృష్టించిన కమల హాసన్ మరోచరిత్ర ను ఎంచక్కా వాడేసుకున్నాడు. కాకపోతే సినిమా పెద్దగా ఆడలేదు. ఆ తరవాత 1979 లో వచ్చిన సంగీత ప్రధాన చిత్రం శంకరాభరణం ను వాడేసుకున్నాడు. ఇదీ అంతంత మాత్రమే... ఆ తర్వాత వరుణ్ తేజ్ తన బాబాయి సినిమా తొలిప్రేమ టైటిల్ ను వాడుకుని ఆ టైటిల్ కు ఉన్న వాల్యూ నిలబెట్టాడు. ఒక మంచి ప్రేమ కథను మనకు అందించాడు. ఇప్పుడు కొత్తగా మరో రెండు సినిమాలు ఈ కోవలోకి చేరాయి. జంబలకడి పంబ... ఒకప్పుడు తెలుగు ప్రేక్షకులను ఉర్రుతలూగించిన సినిమా.. పొట్ట చెక్కలయ్యేటట్టు నవ్వించిన సినిమా. ఇప్పుడు ఆ టైటిల్ తో ఓ కొత్త సినిమా విడుదలైనది. అయితే ఆ కధ మొత్తం సమాజాన్ని తలకిందులు చేస్తే ఈ కధలో కేవలం ఒక జంట ను ప్రాతిపదికగా తీసుకుని తయారుచేసిన కధ. అలాగే 1981 లో భారతీరాజా డైరెక్టన్ లో వచ్చిన కమలహాసన్ సంచలన చిత్రం టిక్..టిక్..టిక్ పేరుతొ మళ్ళీ ఇప్పుడు ఓ కొత్త చిత్రం విడుదలయింది. అయితే ఈ కధే వేరు. ఈ సినిమా కధ అంతరిక్షానికి సంబంధించినది. అయితే మొత్తం మీద పాత హిట్ సినిమా టైటిళ్లు వాడుకుంటున్న వాటిలో హిట్ శాతం మాత్రం చాలా తక్కువగా ఉంటుండడం గమనార్హం.
0 comments:
కామెంట్‌ను పోస్ట్ చేయండి